Erica antheris muticis, inclusis: flores ramos terminant: foliis quaternis: caule fruticoso.
DESCRIPTIO.
Caulis pedalis et ultra, fruticosus, flexuosus, filiformis, virgatus.
Folia quaterna, leviter tomentosa, linearia, brevia, acuta, supra plana, subtus sulcata.
Flores ramos terminant, terni vel quaterni, plerumque adscendentes: corolla tubæformi, tenuissima, incarnata: laciniis oris æqualibus, cordatis, acutis, patentibus.
Germen tiaræforme, sulcatum, ad basin nectariis melliferis instructum.
Habitat ad Caput Bonæ Spei.
Floret per menses æstivales.
REFERENTIA.
|
1. Calyx. 2. Antheræ et Pistillum. 3. Stamen unum, anthera lente aucta. 4. Germen et Pistillum, stigmate lente aucto. |