ERICA exsurgens hybrida.
CHARACTER SPECIFICUS.
Erica antheris muticis, exsertis: floribus verticillatis: foliis senis: caule erecto.
DESCRIPTIO.
Caulis sesquipedalis, erectus: ramis et ramulis longis, simplicibus.
Folia sena, conferta, tenuia, linearia, adscendentia: pedunculi longissimi.
Flores in medio ramorum, verticillati, recti, verticillis alter alteri exsurgentibus: corolla clavata, cylindracea, uncialis, curvata, carnea: oris laciniis magnis, revolutis, intus subalbidis.
Germen tiaræforme, sulcatum, villosum, ad basin nectariis melliferis instructum.
Habitat ad Caput Bonæ Spei.
Floret per menses autumnales.