ERICA Imperialis.
CHARACTER SPECIFICUS.
Erica antheris aristatis, inclusis: floribus terminalibus, speciosissimis: foliis tremulis, spiraliter sparsis, truncatis: ramis simplicibus.
DESCRIPTIO.
Caulis bipedalis, erectus: ramis et ramulis simplicibus, longis.
Folia plerumque sena, linearia, obtusa, attenuata in petiolos longos capillares.
Flores ramos terminant in verticillis simplicibus, patentibus, viscosis: pedunculis longis, recurvatis: corolla cylindrico-clavata, longa: ima parte profunde carnea, apice viridi, ore arctata, laciniis rectis.