ERICA minutæflora.
CHARACTER SPECIFICUS.
Erica antheris muticis, subinclusis: stylo exerto: summitate magna, concava: floribus parvis, axillaribus: foliis quaternis: caule fruticoso.
DESCRIPTIO.
Caulis pedalis et ultra, erectus, flexuosus: ramulis verticillatis, adscendentibus, filiformibus.
Flores in summis ramulorum paniculati, plerumque bini, axillares; corolla campanulata, purpurea, minuta: calyce adpresso.
Folia quaterna, linearia, longa, obtusa, glauca, et patentia.
Germen tiaræforme, sulcatum, tomentosum, ad basin nectariis melliferis instructum.
Habitat ad Caput Bonæ Spei.
Floret per menses autumnales.