Corolla composita radiata; corollulæ hermaphroditæ tubulosæ, plures in disco elevato; femineæ ligulatæ quinque in radio.
Propria hermaphroditis tubulosa, semiquinquefida, erecta, calyce longior; laciniis linearibus, introrsum villosis.
Femineis ligulata, hermaphrodites longior, longitudine et latitudine fere æqualis, obtusissima, versus tubum angustior, tomentosa persistens.
Stamina Hermaphroditis; filamenta quinque, capillaria, brevissima. Anthera cylindracea, tubulosa.
Pistillum Hermaphroditis; Germen oblongum. Stylus filiformis, longitudine staminum. Stigma bifidum, tenue, reflexum.
Femineis; germen oblongum. Stylus filiformis, longitudine hermaphroditis. Stigma bifidum, tenue, reflexum.
Pericarpium nullum. Calyx immutatus.
Semina Hermaphroditis solitaria, linearia, compressa, calyce paulo breviora. Pappus aristis quinque, erectis, acuminatis, inæqualibus.
Femineis similima hermaphrodites.
Receptaculum nudum, planum.