et octō mīlia hostium cecīdit, quīnque mīlia cum decem et
octō elephantīs cēpit, septuāgintā quattuor cīvitātēs in fidem
accēpit. Tum victī Karthāginiēnsēs pācem ā Rōmānīs petīvērunt.
Quam cum Rēgulus nōllet nisi dūrissimīs condiciōnibus 10
dare, Āfrī auxilium ā Lacedaemoniīs petīvērunt. Et
duce Xanthippō, quī ā Lacedaemoniīs missus fuerat, Rōmānōrum
dux Rēgulus victus est ultimā perniciē. Nam duo
mīlia tantum ex omnī Rōmānō exercitū refūgērunt, quīngentī
cum imperātōre Rēgulō captī sunt, trīgintā mīlia 15
occīsa, Rēgulus ipse in catēnās coniectus.