He that has just enough can soundly sleep; the owercome only fashes folk to keep.
He that has muckle wad aye hae mair.
He that hasna purse to fine may hae flesh to pine.
"'It will be nonsense fining me,' said Andrew, doughtily, 'that hasna a grey groat to pay a fine wi'—it's ill taking the breeks aff a Hielandman.' 'If ye hae nae purse to fine, ye hae flesh to pine,' replied the bailie, 'and I will look weel to ye getting your deserts the tae way or the tither.'"—Rob Roy.
He that hasna siller in his purse should hae silk on his tongue.
He that has routh o' butter may butter his bread on baith sides.
He that has siller in his purse may want a head on his shouthers.
He that has twa hoards can get a third.
He that hath and winna keep it, he that wants and winna seek it, he that drinks and is not dry, siller shall want as well as I.
He that hews abune his head may get a spail in his ee.