Like to like.
"I'll tell ye, Ratton, blithe will Nicol Muschat be to see ye, for he says he kens weel there isna sic a villain out o' hell as ye are, and he wad be ravished to hae a crack wi' ye—like to like, ye ken—it's a proverb never fails; and ye are baith a pair o' the deevil's peats, I trow—hard to ken whilk deserves the hettest corner o' his ingleside."—Heart of Midlothian.
Like water to leather—the langer the tougher.
"Although my mither has been, past the memory o' man, in a complaining condition, I ken nae odds o' her this many a year; her ail's like water to leather, it makes her life the tougher."—The Entail.
Lippen to me, but look to yoursel.
Lips gae, laps gae, drink and pay.
"If you put your lips to the cup to drink, put your hand to your lap to take out your purse."—Kelly.
Listen at a hole, and ye'll hear news o' yoursel.
List to meat's gude kitchen.
Little and aften fills the purse.