"It wasna the teethache," said Annie scornfully, "but Aw ken why she grat."
"To mak fowk think she was so fond o' Maggie that she didna want her to ging awa," suggested Gladys.
"Na it wasna," said Annie, "she maybe was thinkin' o' Maggie's auldest sister Jean that dee'd when she was saxteen."
"G'wa," cried Jim, "it's the fashion to greet at a marriage and a burial, but ye dinna greet at a christenin'."
"Why no?" asked Jean.
"Cos ye wudna be heard: the bairn greets a' the time."
Janet glanced at Margaret.
"That'll be the next party," she said brightly, "the christenin'. Did ye keep the top storey o' the cake, Maggie?"
Margaret blushed at this.
Janet seized her by the shoulders.