"What was it you wanted to find, Dauvit?"
Dauvit paused.
"Ye micht call it a soul," he said. "Oh, aye," he went on, "Maggie was a bonny lassie wi' a heart o' gold, but she hadna a soul. Wud ye like to ken what stoppit me speerin' her that nicht as we cam through Zoar? Man, I said to mysel: When we come to the toll bar I'll tak Maggie in my arms and say: 'Maggie, I want ye, lassie!'"
He had to light his pipe here.
"Weelaweel, we got to the toll bar and I said: 'Maggie, we'll sit doon on the bank for a while.' So we sat doon, and I was just tryin' to screw up my courage when she pointed to the settin' sun. 'I'd like a dress like that, only bonnier,' she said. Man, dominie, I looked at that sunset wi' its gold and purple . . . and syne I kent that Maggie was nae wife for me. I kent that she had nae soul."
After a time I remarked: "And so, Dauvit, you are a bachelor because you were a poet!"
He busied himself with the paper sole.
"Maggie married Bob Wilson the farmer o' East Mains. Aye, and the marriage turned oot a happy one, for Bob never rose abune neeps and tatties in his life." Dauvit sighed. "But I sometimes used to look at the twa o' them when their bairns were roond their knees, and syne I used to gie a big Dawm! and ging back to my wee hoose and mak my ain tea."
"It doesna pay to hae a soul, dominie," he added with a short laugh.
"Perhaps you could have given her a soul, Dauvit," I said.