Aspice quam mira libros impresserit arte:
Quam subito ueterum tot monumenta dedit
Nomine Christophorus, Valdarfer gentis alumnus,
Ratisponensis gloria magna soli.
Nunc ingens Ciceronis opus causasque forenses,
Quas inter patres dixit et in populo,
Cernis quam recto, quam emendato ordine struxit:
Nulla figura oculis gratior esse potest.
Hoc autem illustri Venetum perfecit in urbe
Praestanti Mauro sub duce Christophoro.