Quem magni genuit preclara Colonia rheni:
Elysiis certe dignus post funera campis
Inuentas propter, iustus si est Iuppiter, artes.
Hic uenetis primus leges impressit in oris
Et canones, nostro grandis prouintia celo,
Quodque hominum generi cunctis uel gentibus unum
Sufficiebat opus: soli hec est palma Ioanni.
Addidit et doctis multum censoribus aurum
Solus matura ut liberarent omnia lance
Peruigiles, magnum emptori et memorabile donum.