“Weel?”
“Is the tea gude? And the fish, and the cake?”
“Ay, they’re gude. I didna think I was sae hungry. I’m maist ‘shamed to enjoy them sae hearty.”
“Life’s wark wants life’s food; and we canna sit wi’ idle hands anither seven days. You were saying you had news, what will it be?”
“Ay, I had forgotten. Willie Johnson’s Willie has brought back wi’ him a young man. He wants a quiet room to himsel’, and there’s naebody in Pittenloch can gie him ane, if it be na us, or the Widow Thompson. He’s offered a crown a week for ane.”
“You should hae said instanter we’d be thankfu’. My certie! A crown a week, that’s a fair godsend, Davie.”
“The widow has the first right to the godsend; if she canna tak’ it, she’ll send it our way, Maggie.”
“Davie, there is #50 in Largo Bank.”
“I ken that.”
“You’ll tak’ it. It will gie you a’ the start you need at Aberdeen. Fayther said #30 a year wad do, wi’ a carefu’ hand to guide it. You’ll be Helping yoursel’ wi’ a bit teaching afore it is a’ gane.”