FIG. LXXIX.
FIGURA Septuagesimanona.
Projectiones vestigii & elevationis mutuli.
Facies mutuli quam delineavimus figurâ septuagesimaoctavâ, gerit hic munus vestigii; latus verò gerit munus elevationis; ut ostendunt lineæ occultæ, quæ ex divisionibus faciei tendunt ad punctum oculi, ex divisionibus lateris tendunt ad punctum distantiæ (puncta oculi ac distantiæ in hac & sequentibus figuris cadunt extra paginam.) Per sectiones harum linearum ducuntur lineæ quæ terminant singulas partes vestigii deformati; hujusque adjumento ducitur elevatio lateris, ac methodo consuetâ latitudines & longitudines mutuli solidi eruuntur ex vestigio, altitudines ex elevatione. Hic & deinceps nomina longitudinis & altitudinis usurpamus, veluti planum cujuslibet perspectivæ esset verticale; in quâ suppositione, IL esset latitudo mutuli, SR altitudo, RL longitudo: quum SR reverà sit longitudo, RL altitudo. Ad faciliorem descriptionem hujus figuræ observandum est, rectis IL, LM, GH, hujus paginæ inesse divisiones rectarum DC, FE, AB, figuræ septuagesimæoctavæ.
The Seventy-ninth FIGURE.
The Plan and Elevation of a Corbel in Perspective.
