FIG. XXXIII.
Figura Trigesimatertia.
Deformatio coronicis Compositæ.
Figura hæc trigesimatertia minus ardua tibi videbitur, si ex ea delineandam primùm suscipias medietatem quæ respondet vestigio PN & elevationi BR figuræ trigesimæsecundæ; rejecto in ultimum fastigio, postquàm cætera compleveris. Linea BV est horizontalis. Punctum oculi est V, punctum distantiæ remotum est ab V spatio BV, additis modulis quatuordecim cum dimidio. Linea plani est AR, in quam ex Q versus A transfertur latitudo P; ex Q versus R transfertur longitudo N, cum omnibus earum divisionibus; ut ex punctis latitudinis fiant visuales ad punctum oculi; & ex punctis longitudinis fiant occultæ ad punctum distantiæ. Ex his habes quicquid necessarium est ad projectionem opticam vestigii, ut ostendimus figurâ trigesimaprimâ. Eademque methodo, quam ibi servavimus, contrahes elevationem P longitudinis coronicis: ac tum ex illa, tum ex vestigio, eruetur coronix nitida more consueto.
Ut delineetur fastigium, transferendæ sunt in lineam AB divisiones ipsius ex elevatione F figuræ trigesimæsecundæ, ac ducendæ visuales ad punctum oculi, additis lineis terminativis uniuscujusque membri, quæ accipientur ex vestigio Q opticè deformato. Centrum O arcuum fastigii nitidi, remotum est à summitate coronicis, medietate distantiæ, quam habent ungues quadræ cui fastigium ipsum incumbit. Ac proinde, si accipias ex elevatione P diversas altitudines membrorum fastigii; latitudines verò accipias ex vestigio Q; opus tuum feliciter absolves.
The Thirty-third Figure.
A Composite Cornice in Perspective.
