Dirleton, incase his other matter tak effect, as ve hope it sall. Alvayse I beseik yow be at me the morne at evin, for I hew asswred his lo. servand, that I sall send yow over the vatter vithin thre dayis, vith an full resolucion of all my vill, anent all purposes; As I sall indeid recommend yow and yowr trustiness till his lo. as ye sall find an honest recompense for yowr panes in the end. I cair nocht for all the land I hew in this kingdome, incase I get an grip of Dirleton, for I estem it the plesantest dwelling in Scotland. For Goddis cawse, keip all thingis very secret, that my lo. my brothir get na knawlege of owr purposes, for I (wald?) rather be eirdit quik. And swa lwking for yow, I rest till meitting. Fra the Kannogait, the xviij day of July.
(Sic subscribitur) Yowris to power redy
Restalrige.
I am verie ill at eise and thairfoir speid yow hither.
On the back ‘Sprott,’ ‘Secund,’ ‘bookit.’
(3) Robert Logan of Restalrig to . . . .
Rycht honorable Sir,—All my hartly duty vith humbill servise remembred. Sen I hew takin on hand to interpryse vith my lo(rd) of Go(wrie) yowr speciall and only best belowed, as ve hew set down the plat alredy, I vill request yow that ye vill be very circumspek and vyse, that na man may get ane avantage of vs. I dowt nocht bot ye knaw the perell to be bayth lyf, land and honowr, incase the mater be nocht vyslie vsed: And for my avin part, I sall hew an speciall respek to my promise that I hew maid till his Lo. and M.A. his lo(rdschipis) brother, althocht the skafald var set vp. If I kan nocht vin to Fakland the first nycht, I sall be tymelie in St Johnestoun on the morne. Indeid I lipnit for my lo(rd) himself or ellise M.A. his lo. brother at my howse of Fast(castell) as I vret to them bayth. Alwyse I repose on yowr advertysment of
the precyse day, vith credit to the berar: for howbeit he be bot ane silly ald gleyd carle, I vill answer for him that he sall be very trew. I pray yow, sir, reid and ather bwrne or send agane vith the berare; for I dar haserd my lyf and all I hew ellise in the varld on his message, I hew sik pruif of his constant trewth. Sa committis yow to Chrystis holy protectioun. Frome the Kannogait the xxvij day of July 1600.
(Sic subscribitur)
Yowris till all power vt humbill servise redy
Restalrige.