Piercy sall with the eldest fight
And Ethert Lunn wi’ thee
William of Lancastar the third
And bring your fourth to me
He clanked Piercy owr the head
A deep wound and a sair
Till the best blood o’ his body
Came rinnen owr his hair.
Now I’ve slain one slay ye the two;
And that’s good company
And if the two should slay ye baith,
Ye’se get na help frae me
But Ethert Lunn a baited bear
Had many battles seen
He set the youngest wonder sair,
Till the eldest he grew keen
I am nae king nor nae sic thing
My word it sanna stand
For Ethert shall a buffet bide,
Come he aneath my brand.
He clanked Ethert owr the head,
A deep wound and a sair
Till a’ the blood of his body
Came rinnen owr his hair
Now I’ve slayne two slay ye the one;
Isna that gude company
And tho’ the one should slay ye both
Ye’se get nae help o’ me.
The twasome they hae slayn the one
They maul’d them cruelly
Then hang them owr the drawbridge,
That a’ the host might see
They rade their horse they ran their horse,
Then hover’d on the ley
We be three lads o’ fair Scotland,
We fain wad fighting see
This boasting when young Edward heard,
To’s uncle thus said he,
I’ll take yon lad I’ll bind yon lad,
And bring him bound to thee