The Scottes come into Engelond and distroyde Northumb’.
This yere the Scottes comen into Engelond and distroyden Northumbr’: and the citee of London sente to Yorke cc men of armes; and Scotlond was entyrdyted.
| Id’m maior. | John Pulteney. | Anno xijo. |
| John Dallyng. |
A parlement at Yorke.
This yere the kyng held his parlement at Yorke; and Sr. Hugh Spencer[39] was mad chaumberleyn of Engelond. And in this yere was Thomas the erle of Lancastre beheded.
| Hamo Chikell, m’.[40] | Simon Abyndon.[41] | Ao. xiijmo. |
| John Preston.[42] |
This yere were the Spencers bothe the fadyr and the sone exiled out of Engelond; after they were ayeyne revoked be the kyng.
| Nycholl Faryndon, m’. | William Prodhom.[44] | Ao. xiiijmo. |
| goldsmythe.[43] | Arnold Conduyt.[45] |
The rysynge of erles and barons of this land.
This yere of oure lord a mlcccxxj was strongly the barouns werre; and Thomas erle of Lancastre the xij kal’ of Aprill was beheded. And in this yere was the rysynge of the erles and barons of this lond; and they token Sr. Piers of Gaveston, the kynges sworn brother, and smot of his hed; for which the kyng afterward in oo day dede do beheded xx/iiij lordes and gentyles for the deth of the seid Piers.