REX EDWARDUS TERTIUS. [1351-1355.]
| Ric’ Kylsyngby, m’. | John Notte. | Anno xxvto. |
| Will’s Worcetr’. |
Bellu’ sup’ mare int’ regem E. et les Spaynardes.
In this yere of oure lord a mlcccl the kyng faughte with the Spaynardes on the see, besyde Wynchelse and Romeneye: and thankyd be God the kyng hadde the victorye, and wan there manye a faire vessell.
| Andr’ Aubrey, m’. | John Wroth. | Ao. xxvjto. |
| Gilb’t Steynethorp, goldsmythe. |
New moneye of grotes and half grots and pens.
In this yere of oure lord a mlccclj the kyng made newe moneye; that is to seye grotes, and half grotes, and penyes: natheless the weyte was lasse be v s. in the pound than the olde starlyng. Also in this yere two fysshmongers were beheded at the standard in Chepe.
| Adam Fraunceys, m’. | John Pecche. | Ao. xxvijo. |
| John Stodeye. |
The dere Somer.
In this yere was a gret derthe of vitailes in somer tyme. In this yere was a gret droughte, whiche endured fro the begynnyng of March unto the laste ende of Juyll.