Godofredo Torino, quem Ulvaricum[547] Biturigum peperit, quem Lutetia Parisiorum fovit, viro linguæ: turn latinæ turn græcæ peritissimo, litterarum denique amantissimo, typographo solertissimo et bibliographo doctissimo, quod de partibus ædium elegantissima distica scripserit, tumulos aliquot ludicros veterrimo stylo latine condiderit, Xenophontis, Luciani, Plutarchi tractatus e græco in gallicum converterit, Parisiis in Burgundiæ gymnasio philosophiam edocuerit, primus omnium de re typographica sedulo disseruerit, litterarum sive caracterum dimensiones ediderit, et Garamundum calco-graphum principem edocuerit, viri boni officio, quoad devixit, anno M.D.L. semper defunctus, a monente Joanne Toubeau, etiam typographo et auctore, mercatorum prætore, ædili Bituri-censi, ob negotia civitatis difficillima ad regem et concilium legato, ejusdem Torini abnepote, et typographicorum insignium hærede, Nicolaus Catharinus, nobilis Bituricus, regis advocatus et senator in Biturigum metropoli, a teneris annis huc usque et deinceps rei typographicæ addictissimus, cursim raptimque scripsit, exeunte novembri M.DC.LXXIV.

G

Godofredus Torinus Bituricus Philiberto Baboo, civi Biturico, serenissimi Gallorum regis dispensatori ac camerario meritissimo, salutem dicit humilimam.

Pomponium Melam, ornatissime Philiberte, geographorum authorem luculentissimum, quum nuper inspicerem, eum tot mendis depravatum ac lacerum esse cognovi, ut

... Ecce ante oculos mœstissimus author

Visus adesse mihi, largosque effundere fletus;

Vergilius, Eneid. ij.

Ecce inquam:

Raptatus bigis (heu miserum) aterque cruento

Pulvere, perque pedes traiectus lora tumentes,