And that the mone hath lordschip overe the nyghte;—
Al this doth Love, ay heryed be his myght!
That, that the se, that gredy is to flowen,
Constreyneth to a certeyn ende so
Hise flodes, that so fiersly they ne growen
To drenchen erth and alle for everemo;
And if that Love aught lete his brydel go,
Al that now loveth asonder sholde lepe,
And lost were al that Love halt now to kepe.
(Ibid. st. 244, 245.)