[Camb. Univ. MS. Ii. 3. 21, fol. 52 b.]
Chawcer vp-on this fyfte metur of the second book
A Blysful lyf a paysyble and a swete
Ledden the poeples in the former age
They helde hem paied of the fructes þat þey ete
Whiche þat the feldes yaue hem by vsage [4]
They ne weere nat forpampred with owtrage
Onknowyn was þe quyerne and ek the melle
They eten mast hawes and swych pownage
And dronken water of the colde welle [8]