Nubibus atris
Condita nullum
Fundere possunt
Sidera lumen.
Si mare uoluens 5
Turbidus Auster
Misceat aestum,
Vitrea dudum
Parque serenis
Vnda diebus 10
Mox resoluto
Sordida caeno
Visibus obstat.
Quique uagatur
Montibus altis 15
Defluus amnis,
Saepe resistit
Rupe soluti
Obice saxi.
Tu quoque si uis 20
Lumine claro
Cernere uerum,
Tramite recto
Carpere callem,
Gaudia pelle, 25
Pelle timorem
Spemque fugato
Nec dolor adsit.
Nubila mens est
Vinctaque frenis, 30
Haec ubi regnant."
VII.
When stars are shrouded
With dusky night,
They yield no light
Being so clouded.
When the wind moveth
And churneth the sea,
The flood, clear as day,
Foul and dark proveth.
And rivers creeping
Down a high hill
Stand often still,
Rocks them back keeping.
If thou wouldst brightly
See Truth's clear rays,
Or walk those ways
Which lead most rightly,
All joy forsaking
Fear must thou fly,
And hopes defy,
No sorrow taking.
For where these terrors
Reign in the mind,
They it do bind
In cloudy errors."
ANICII MANLII SEVERINI BOETHII
V.C. ET INL. EXCONS. ORD. PATRICII
PHILOSOPHIAE CONSOLATIONIS
LIBER PRIMVS EXPLICIT
INCIPIT LIBER II
I.
Post haec paulisper obticuit atque ubi attentionem meam modesta taciturnitate collegit, sic exorsa est: "Si penitus aegritudinis tuae causas habitumque cognovi, fortunae prioris affectu desiderioque tabescis. Ea tantum animi tui sicuti tu tibi fingis mutata peruertit. Intellego multiformes illius prodigii fucos et eo usque cum his quos eludere nititur blandissimam familiaritatem, dum intolerabili dolore confundat quos insperata reliquerit. Cuius si naturam mores ac meritum reminiscare, nec habuisse te in ea pulchrum aliquid nec amisisse cognosces, sed ut arbitror haud multum tibi haec in memoriam reuocare laborauerim. Solebas enim praesentem quoque blandientemque uirilibus incessere uerbis eamque de nostro adyto prolatis insectabare sententiis. Verum omnis subita mutatio rerum non sine quodam quasi fluctu contingit animorum; sic factum est ut tu quoque paulisper a tua tranquillitate descisceres. Sed tempus est haurire te aliquid ac degustare molle atque iucundum quod ad interiora transmissum ualidioribus haustibus uiam fecerit. Adsit igitur Rhetoricae suadela dulcedinis quae tum tantum recto calle procedit, cum nostra instituta non deserit cumque hac Musica laris nostri uernacula nunc leuiores nunc grauiores modos succinat.