Wee Jamie wi' the curly heid—
He aye sleeps next the wa'—
Bangs up an' cries, "I want a piece;"
The rascal starts them a'.
I rin an' fetch them pieces, drinks,
They stop awee the soun';
Then draw the blankets up an' cry,
"Noo, weanies, cuddle doon."
But ere five minutes gang, wee Rab
Cries oot, frae 'neath the claes,
"Mither, mak' Tam gie ower at once—
He's kittlin' wi' his taes."
The mischief's in that Tam for tricks,
He'd bother half the toon;
But aye I hap them up an' cry,
"O bairnies, cuddle doon."
At length they hear their father's fit,
An', as he steeks the door,
They turn their faces to the wa',
While Tam pretends to snore.
"Hae a' the weans been gude?" he asks,
As he pits aff his shoon;
"The bairnies, John, are in their beds,
An' lang since cuddled doon."
An' just afore we bed oorsel's,
We look at oor wee lambs;
Tam has his airm roun' wee Rab's neck,
An' Rab his airm roun' Tam's.
I lift wee Jamie up the bed,
An' as I straik each croon,
I whisper, till my heart fills up,
"O bairnies, cuddle doon."
The bairnies cuddle doon at nicht
Wi' mirth that's dear to me;
But sune the big warl's cark an' care
Will quaten doon their glee.
Yet, come what will to ilka ane,
May He who sits aboon
Aye whisper, though their pows be bauld,
"O bairnies, cuddle doon."
Alexander Anderson [1845-1909]
BEDTIME
'Tis bedtime; say your hymn, and bid "Good-night;
God bless Mamma, Papa, and dear ones all."
Your half-shut eyes beneath your eyelids fall,
Another minute, you will shut them quite.
Yes, I will carry you, put out the light,
And tuck you up, although you are so tall!
What will you give me, sleepy one, and call
My wages, if I settle you all right?
I laid her golden curls upon my arm,
I drew her little feet within my hand,
Her rosy palms were joined in trustful bliss,
Her heart next mine beat gently, soft and warm
She nestled to me, and, by Love's command,
Paid me my precious wages—"Baby's Kiss."