WILLIE AND HELEN
"Wharefore sou'd ye talk o' love,
Unless it be to pain us?
Wharefore sou'd ye talk o' love
Whan ye say the sea maun twain us?"
"It's no because my love is light,
Nor for your angry deddy;
It's a' to buy ye pearlins bright,
An' to busk ye like a leddy."
"O Willy, I can caird an' spin,
Sae ne'er can want for cleedin';
An' gin I hae my Willy's heart,
I hae a' the pearls I'm heedin'.
"Will it be time to praise this cheek
Whan years an' tears hae blenched it?
Will it be time to talk o' love
Whan cauld an' care hae quenched it?"
He's laid ae han' about her waist—
The ither's held to heaven;
An' his luik was like the luik o' man
Wha's heart in twa is riven.
Hew Ainslie [1792-1878]
ABSENCE
With leaden foot Time creeps along
While Delia is away:
With her, nor plaintive was the song,
Nor tedious was the day.