O memory, ope thy mystic door;
O dream of youth, return;
And let the light that gleamed of yore
Beside this altar burn.
The past is plain; 'twas love designed
E'en sorrow's iron chain;
And, mercy's shining thread has twined
With the dark warp of pain.
So be it still. O Thou who hast
That younger bridal blest,
Till the May-morn of love has passed
To evening's golden west;
Come to this later Cana, Lord,
And, at thy touch divine,
The water of that earlier board
To-night shall turn to wine.
David Gray [1837-1888]
MOGGY AND ME
Oh wha are sae happy as me an' my Moggy?
Oh wha are sae happy as Moggy an' me?
We're baith turnin' auld, an' our walth is soon tauld,
But contentment bides aye in our cottage sae wee.
She toils a' the day when I'm out wi' the hirsel,
An' chants to the bairns while I sing on the brae;
An' aye her blithe smile welcomes me frae my toil,
When down the glen I come weary an' wae.
Aboon our auld heads we've a nice little biggin,
That keeps out the cauld when the simmer's awa;
We've twa webs o' linen o' Moggy's ain spinnin',
As thick as silk velvet and white as the snaw;
We've kye in the byre, an' yauds in the stable,
A grumphie sae fat that she hardly can stand;
An' something, I guess, in yon auld painted press
To cheer up the speerits an' steady the hand.
'Tis true we hae had mony sorrows an' crosses,
Our pouches oft toom, an' our hearts fu' o' care;
But wi' a' our crosses, our sorrows an' losses,
Contentment, thank heaven! has aye been our share.
I've an auld roostit sword that was left by my father,
Whilk aye has been drawn when my king had a fae;
We hae friends ane or twa that aft gie us a ca',
To laugh when we're happy or grieve when we're wae.
Our duke may hae gowd mair than schoolmen can reckon,
An' flunkies to watch ilka glance o' his e'e,
His lady aye braw sittin' prim in her ha';
But are they sae happy as Moggy an' me?
A' ye wha ne'er fand the straight road to be happy,
Wha are nae content wi' the lot that ye dree,
Come down to the dwellin' o' whilk I've been tellin',
You'll learn it by lookin' at Moggy an' me.
James Hogg [1770-1835]