[77.6] ‘had thrust up from below.’ Sulla was sitting on a tribunal in the Forum.
[77.7] Cf. [p. 11, n. 9].
[77.8] Sc. erat.
[77.9] numquam . . . vituperandus (est): ‘can never be blamed enough.’ In negative sentences the gerundive often conveys this idea of possibility. For its other meanings, see [p. 39, n. 11].
[77.10] parcō.
[Text-only version] [XXV.] Lūcius Lūcullus
Lūcius Lūcullus ingeniō, doctrīnā, virtūte fuit īnsīgnis. In
Asiam quaestor profectus ibi per multōs annōs admīrābilī quādam[11]
laude[12] prōvinciae praefuit, deinde absēns factus[13] aedīlis,
B.C.
74. continuō praetor, inde ad cōnsulātum[14] prōmōtus est, quem
[5] ita gessit, ut omnēs dīligentiam admīrārentur, ingenium
āgnōscerent. Post ad Mithridāticum[1] bellum missus ā senātū
nōn modo opīniōnem vīcit[2] omnium, sed etiam glōriam superiōrum
ducum. Idque eō[3] fuit mīrābilius, quod ab eō laus[4] imperātōria
nōn admodum exspectābātur, quī adulēscentiam in forēnsī[5] operā,
[10] quaestūrae diuturnum tempus in[6] Asiae pāce cōnsūmpserat; sed
incrēdibilis quaedam[7] ingeniī māgnitūdō nōn dēsīdērāvit ūsūs[8]
dīsciplīnam. Itaque cum tōtum iter[9] et nāvigātiōnem cōnsūmpsisset
partim in percontandō ā perītīs,[10] partim in rēbus[11] gestīs
legendīs, in Asiam factus[12] imperātor vēnit, cum esset Rōmā
[15] profectus reī mīlitāris rudis.[13]
Lūcullus eō bellō māgnās ac memorābilēs rēs gessit; Mithridātem
saepe multīs locīs fūdit; Tigrānem,[14] rēgum māximum, in
Armeniā vīcit, ultimamque[15] bellō manum magis nōluit impōnere,
quam nōn potuit; sed alioquī per omnia laudābilis[16] et bellō paene
[20] invictus pecūniae cupīdinī nimium dēditus fuit; quam tamen
ideō expetēbat, ut per lūxuriam effunderet. Itaque postquam
dē Mithridāte triumphāvit,[17] abiectā omnium rērum cūrā coepit
dēlicātē ac molliter vīvere ōtiōque et lūxū diffluere: māgnificē et
immēnsō sūmptū vīllās aedificāvit atque ad eōrum ūsum[18] mare
[25] ipsum vexāvit. Nam in quibusdam locīs mōlēs[1] marī iniēcit; in
aliīs, suffossīs montibus, mare in terrās indūxit, unde eum haud
īnfacētē Pompēius Xerxem togātum[2] vocāre adsuēverat.[3]
VĪLLA