The ceremony is similar in some respects to the tamo of the Nabaloi.
Pasang
The pasang is celebrated to cause children to be born. The mambunong holds a chicken in each hand and squats between two baskets of blankets, while relating the following story:
Wada, kano, Bintauan un Apinan. Sin Agīda. Adīda, kanon, mananak ya mo manawasda pay, kano, sūmakīsakīt sin agusda asauwada.
Amuida ut, kanominda manpaanap. Datgnūnda, kano, san ūsay bato ay bui; binmali san ūsay dakdakui ya ando ay ipūgau ay maata di kadumna. Asi ibaganda Bintauan un Apinan ay mananap mo sinoi inmat un asauwada. Asina kanon un, “Amui kayo un boan si agou tan siay mangamo si anap.”
Ungayanan amuida Bintauan un Apinan. Datūnga pay, kano, san nantotomtoman di lota ya ud tagui. Wada san dadakui ay būui. Binmali ut, kano, abū san ūsay ipūgau ay mandada di matana mayatag kaduna. “Sinoi gapona si inmalianyo?” “Inkami manpaanap tan mo manowas san asauwami ya mansakīt ya adīkami mananak.” “Adī pay, amok di anap, ut amui kayo ūnda agou un Boan tan daeda dimangamo si anap.”
Amuida ut, kano, ingilada di mantumtumog san dūa ay kaman būui ay bato ay kalimlimosan si danom. Amugyapda, kano, ay amui ut impaononada san asoda. Ilanda ut, kano, nabasil. Ungayan omonodda si asoda. Mabas ilda ut diay nayapapa ut tagui, yan wada san adado ay buui ay nanataatang.
Dūmatang pay yan kabala san si asauwa’n agou, ut kinwanina, “Sinoi kayo?” “Unmali kami ta kami nanpaanap tan adī mananak si asauwami yan mo manawas da mansakītda.” “Sangupkayo sian daounmi tan mo dūmatung si agou malpa kayo.” Ungayan singupda sin daoun di būui di agou.
Dūmatung pay, kano, si agou ut inbaga un, “Mo waday inmali ay ipūgau ud kūgau?” “Au, ay panada si daon di būui. Unda kanon manpaanap tan adi mananakda asauwada ya mansakītda mo manowasda.” Ungayan ay agou inbgana Apinan un Bintauan, “Sinoi gapona si inmalianyo?” “Inmali kami tan un kami manpaanap.” Ungayan kinwanina agou, “Sūmaa kayo ut yaanyo di pasang, ut maganak kayo.”