S. carinâ ad angulum 115° flexâ, umbone centrali, costis tenuibus ab umbone utrinque radiantibus; carinæ tectis et superioris et inferioris partis rectis, planis, lævibus.
Foss.—In Cretaceâ superiore Formatione.
7. Scalpellum Hagenovianum, Bosquet. (Idem, Tab. 4, fig. 13-16.)
S. carinæ umbone ad 1/6 totius ab apice longitudinis posito; carinæ tecto plano, utrinque sulcato; parietum et intra-parietum confluentium parte superiore solummodò cristis instructo ab umbone radiantibus.
Foss.—In Cretaceâ superiore Formatione.
8. Scalpellum radiatum, Bosquet.[158] (Idem, Tab. 4, fig. 17-18.)
[158] Scalpelli 4 aliæ species fossiles, ad secundam generis sectionem pertinentes, à Dom. Bosquet descriptæ et nominatæ sunt. Jam cum equidem, ubi valvæ disjunctæ reperiuntur, nomina specifica non nisi carinis (et interdùm scutis) tribuere soleam, S. pulchellum, Bosq., hic inserere non possum, cujus scuti aut carinæ fragmenta valdè imperfecta solùm reperta sunt. Scalpellum gracile, S. pygmæum, et S. radiatum, Bosq., omnia Scalpello maximo et ejus varietatibus tam propè associantur, ut, cum ipse specimina non viderim, characteres breves diagnosticos hic exhibere non audeam. Veruntamen, cum Dom. Bosquet se hujus rei penitus peritum se probaverit, longissimè abest ut in dubium vocare velim quin hæ species reverà distinctæ existant.
S. scuti superficie cristis tectâ, inter se aliquantùm distantibus, ab umbone radiantibus; scuti umbone propè medium marginis occludentis posito; termino superiore truncato, lato, non acuminato.
Foss.—In Cretaceâ superiore Formatione.