P. capitulo, valvarum duobus, tribus, aut pluribus sub rostro verticillis instructo; valvis sub-fuscis; lateribus à supremo ad infimum gradatim quoad magnitudinem positis; carinæ margine basali (introrsùm spectanti) ad medium excavato; pedunculi squamarum verticillis densis, symmetricè dispositis.
Hab.—In Californiâ et Oceano Pacifico meridionali.
4. Pollicipes spinosus, Quoy. (Darwin, ‘Lepadidæ,’ p. 324, Tab. 7, fig. 4.)
P. capitulo valvarum uno aut pluribus sub rostro verticillis instructo: laterum pari superiore vix inferioribus longiore: membranâ valvas tegente (post desiccationem) subfuscâ flavescente: pedunculi squamis inæqualibus, non symmetricis: verticillis longiusculè distantibus.
Hab.—Novâ Zealandiâ.
5. Pollicipes sertus, Darwin. (‘Lepadidæ,’ p. 327, Tab. 7, fig. 5.)
P. capitulo valvarum uno aut pluribus sub rostro verticillis instructo: laterum pari superiore vix inferioribus longiore: membranâ valvas tegente (post desiccationem) fusco rufescente obscuro: rostro dimidiam carinæ longitudinem æquante, superficiei internæ altitudine latitudinem plus duplo superante: pedunculi squamis inæqualibus, non symmetricis: verticillis longiusculè distantibus.
Hab.—Novâ Zealandiâ.
6. Pollicipes concinnus, J. Morris. (Darwin, ‘Lepad. Foss.’ p. 50, Tab. 3, fig. 1.)
P. scutis pæne quadratis, margine basali propè rostrum subconcavo, segmento tergo-laterali, è lineis incrementi, ut videtur, reflexis formato, lato, rotundato et prominente: tergis latis, pæne quadratis: carinæ margine basali, ut videtur, acuto.