P. scutis elongatis, triangulis, margine basali propè angulum rostralem in prominentiam obliquè rotundatam producto; internâ apicis superficie prominente, margine occludente sulcato.
Foss.—In Cretaceâ superiore Formatione.
14. Pollicipes reflexus, J. Sowerby. (Darwin, ‘Lepad. Foss.’ p. 58, Tab. 3, fig. 8.)
P. scutis tenuibus, subovalibus; margine basali cum margine occludente angulum recto longè majorem formante; costâ obsoletâ rotundatâ ab apice ad angulum basi-lateralem decurrente, valvam in duas ferè æquales partes separante. Carinâ lineari, transversè abruptè arcuatâ; margine basali multum producto, apice truncato. Lateribus superioribus sub-pentagonis.
Foss.—In Angliâ: ‘Eocenâ Formatione.’
[Sectio †, B.]
15. Pollicipes carinatus, Philippi. (Darwin, ‘Lepad. Foss.’ p. 60, Tab. 3, fig. 9.)
P. scutis crassiusculis ad formam trianguli æquianguli accedentibus; margine occludente externè costâ, humili firmato; costâ firmâ ab apice ad centrum marginis basalis decurrente; margine basali recto; angulo basi-laterali truncato, brevi; segmentum tergo-laterale ex lineis incrementi reflexis formatum, deest. Carinâ externè valdè carinatâ cum sulco laterali ad utrumque latus.
Foss.—In Form. Tertiariâ, Siciliâ.