P. scuti marginibus basali et occludente angulum solum 35° formantibus; intùs prominentiâ rostrali infra marginem basalem dependente; costâ ab apice ad marginem basalam propemodùm ad angulum rostralem accedente. Tergo pæne pentagono, intùs prominentiâ à medio marginis scutalis surgente.
Foss.—In Cretaceâ superiore Formatione.
20. Pollicipes dorsatus, Steenstrup. (Darwin, ‘Lepad. Foss.’ p. 69, Tab. 4, fig. 4.)
P. scutis crassis; ad formam trianguli æquianguli accedentibus; margine occludente externè costâ rotundatâ firmato; angulo basi-laterali latè truncato, dimidium longitudinis marginis basalis veri, æquante; tergo-laterali segmento ex lineis incrementi reflexis formato, angustissimo. Tergorum costâ rectâ, latâ, proclivi, ab apice ad angulum basalem decurrente; angulo basali scutum versùs, obliquè truncato.
Foss.—In Cretaceâ superiore Formatione, Daniâ.
[Sectio ††.]
21. Pollicipes mitella, Linn. (Darwin, ‘Lepadidæ,’ p. 316, Tab. 7, fig. 3.)
P. capitulo valvarum unico sub rostro verticillo instructo: laterum pari superiore (introrsum spectanti) inferiorum magnitudinem ter aut quater superante: lateribus inferioribus utrinque obtegentibus: pedunculi squamarum verticillis densis, symmetricè dispositis.
Hab.—In Insulis Indicis orientalibus.