17. GOODENIA (cycloptera) ramosissima pubescens, foliis radicalibus serrato-incisis; caulinis lanceolato-ellipticis obsolete serratis in petiolum attenuatis, pedunculis axillaribus unifloris folia subaequantibus, seminibus orbiculatis membrana angusta cinctis.
LOC. Indicatio nulla stationis in Herb. D. Sturt.
18. SCAEVOLA (depauperata), erecta ramosissima, ramis alternis; ultimis oppositis divaricatis, foliis minimis sublinearibus: ramorum alternis ramulorum oppositis, pedunculis e dichotomiis ramulorum solitariis unifloris.
LOC. "In salt ground, in lat. 26 degrees S." D. Sturt.
DESC. Herbacea, vix suffruticosa, adulta glabriuscula, erecta, ramosissima. Rami ramulique angulati; ultimi oppositi, indivisi, divaricati, apice diphylli, foliis minimis et rudimento minuto floris abortivi. Folia sessilia, linearia, acuta, brevissima, ramos subtendentia alterna, ramulos ultimos brachiatos opposita. Pedunculi e dichotomiis ramulorum ultimorum penultimorumque solitarii, uniflori, ebracteati. Calyx: limbo supero quinquepartito; laciniis lineari-lanceatis, aequalibus, pubescentibus. Corolla: tubo hinc ad basin usque fisso; limbo unilabiato, 5-partito; laciniis lanceolatis, aequalibus, marginibus angustis induplicatis, extus uti tubus pubescentibus, intus glabris trinerviis, nervo medio venoso. Stamina: filamenta distincta, anguste linearia, glabra, axi incrassata; antherae liberae, lineares, imberbes, basi affixae, loculis longitudinaliter dehiscentibus. Ovarium biloculare? loculis monospermis, ovulis erectis. Stylus cylindraceus, glaber. Stigmatis indusium margine ciliatum et extus pilis copiosis longis strictis acutis albis tectum v. cinctum.
19. EREMOPHILA (Cunninghamii) arborescens, foliis alternis linearibus mucronulo recurvo, sepalis fructus unguiculatis eglandulosis, corolla extus glabra.
Eremophila? arborescens, Cunningh. MSS. 1817.
Eremodendron Cunninghami, De Cand. prodr. xi. p. 713.
Delessert ic. select. vol. v. p. 43. tab. 100. (ubi error in num. ovulorum.)
LOC. "In the sandy brushes of the low western interior, not beyond lat. 29 degrees S." D. Sturt.