Et Petro et Paulo persolvere vota Quirites;
Et Petrus et Paulus resonant per templa, per aedes!
Felix Roma! Tibi hæc data sunt munimina cœlo!
Et dedit Eumetem mitis Deus atque benignus!
Imperat Eumetes, et pax dominabitur Orbi!
Arcades, o Petrum et Paulum celebrate canentes;
Et vestros repetent septena cacumina versus!
Vos Petri Paulique fidem servate, Quirites!
Eternum servate fidem, servabitis Urbem!