haec nobis, haec ante dabas; nunc pabula tantum

Roma precor. miserere tuae, pater optinae, gentis, 35

extremam defende famem. satiavimus iram

si qua fuit; lugenda Getis et flenda Suebis

hausimus; ipsa meos horreret Parthia casus.

quid referam morbive luem tumulosve repletos

stragibus et crebras corrupto sidere mortes? 40

aut fluvium per tecta vagum summisque minatum

collibus? ingentes vexi summersa carinas

remorumque sonos et Pyrrhae saecula sensi.