pulvere solvit equos, inmensaque cornus in hastam
porrigitur tremulisque ferit splendoribus Hebrum.
Ut stetit ante ducem discussas Roma per auras,
conscia ter sonuit rupes et inhorruit atrum 125
maiestate nemus. prior hic: “o numen amicum”
dux ait “et legum genetrix longeque regendo
circumfusa polo consors ac dicta Tonantis,
dic agedum, quae causa viae? cur deseris arces
Ausonias caelumque tuum? dic, maxima rerum! 130