altaque vix lacrimans inter suspiria fatur:
“Tantanc te nostri ceperunt taedia mundi?
sic me ludibrium famulis risumque relinquis 535
dux quondam rectorque meus? solamque tueris
Hesperiam? domiti nec te post bella tyranni
cernere iam licuit? sic te victoria nobis
eripuit Gallisque dedit? Rufinus origo
prima mali: geminas inter discordia partes 540
hoc auctore fuit. sed iam maiora moventi
occurrit iusta rediens exercitus ira,