laetitiae causas ignorat dicere miles
laetaturque tamen; Mavortia signa rubescunt
floribus et subitis animantur frondibus hastae.
illa suum dictis adfatur talibus agmen:
“Gradivum, nostri comites, arcete parumper, 190
ut soli vacet aula mihi. procul igneus horror
thoracum, gladiosque tegat vagina minaces.
stent bellatrices aquilae saevique dracones.
fas sit castra meis hodie succumbere signis: