non generis dono, non ambitione potitus.
digna legi virtus. ultro se purpura supplex
obtulit et solus meruit regnare rogatus.
nam cum barbaries penitus commota gementem
inrueret Rhodopen et mixto turbine gentes 50
jam deserta suas in nos transfunderet Arctos,
Danuvii totae vomerent cum proelia ripae,
cum Geticis ingens premeretur Mysia plaustris
flavaque Bistonios operirent agmina campos,
omnibus adflictis et vel labentibus ictu 55