“Hoc te praeterea crebro sermone monebo,
ut te totius medio telluris in ore 270
vivere cognoscas, cunctis tua gentibus esse
facta palam nec posse dari regalibus usquam
secretum vitiis; nam lux altissima fati
occultum nihil esse sinit, latebrasque per omnes
intrat et abstrusos explorat fama recessus. 275
“Sis pius in primis; nam cum vincamur in omni
munere, sola deos aequat clementia nobis.
neu dubie suspectus agas neu falsus amicis