verbera permissi felix iniuria voti.
Prospera Romuleis sperantur tempora rebus
in nomen ventura tuum. praemissa futuris 620
dant exempla fidem: quotiens te cursibus aevi
praefecit, totiens accessit laurea patri.
ausi Danuvium quondam transnare Gruthungi
in lintres fregere nemus; ter mille ruebant
per fluvium plenae cuneis inmanibus alni. 625
dux Odothaeus erat. tantae conamina classis
incipiens aetas et primus contudit annus: