lictor et in mediis consul quaesitus aratris.
te quoque naturae sacris mundique vacantem, 10
emeritum pridem desudatisque remotum
iudiciis eadem rursum complexa potestas
evehit et reducem notis imponit habenis.
accedunt trabeae: nil iam, Theodore, relictum,
quo virtus animo crescat vel splendor honori.[170] 15
culmen utrumque tenes: talem te protinus anni
formavere rudes, et dignum vita curuli
traxit iter primaeque senes cessere iuventae.