pax maiora decet; peragit tranquilla potestas,
quod violenta nequit, mandataque fortius urget 240
imperiosa quies.
Idem praedurus iniquas
accepisse preces, rursus, quae digna petitu,
largior et facilis; nec quae comitatur honores,
ausa tuam leviter temptare superbia mentem.
frons privata manet nec se meruisse fatetur, 245
quae crevisse putat; rigidi sed plena pudoris
elucet gravitas fastu iucunda remoto.