“Heu regio funesta Getis, heu terra sinistris
auguriis calcata mihi, satiare nocentum 275
cladibus et tandem nostris inflectere poenis!
en ego, qui toto sublimior orbe ferebar
ante tuum felix aditum, ceu legibus exul
addictusque reus flatu propiore sequentum
terga premor. quae prima miser, quae funera dictis
posteriora querar? non me Pollentia tantum 281
nec captae cruciastis opes; hoc aspera fati
sors tulerit Martisque vices. non funditus armis