nostra ter Augustos intra pomeria vidi,
temporibus variis; eadem sed causa tropaei
civilis dissensus erat. venere superbi, 395
scilicet ut Latio respersos sanguine currus
adspicerem! quisquamne piae laetanda parenti
natorum lamenta putet? periere tyranni,
sed nobis periere tamen. cum Gallica vulgo
proelia iactaret, tacuit Pharsalica Caesar. 400
namque inter socias acies cognataque signa
ut vinci miserum, numquam vicisse decorum.