consulis hic fasces cecini Libyamque receptam, 5
hic mihi prostratis bella canenda Getis.
Sed prior effigiem tribuit successus aënam,
oraque patricius nostra dicavit honos;
adnuit his princeps titulum poscente senatu;
respice iudicium quam grave, Musa, subis! 10
ingenio minuit merces properata favorem:
carminibus veniam praemia tanta negant;
et magis intento studium censore laborat,
quod legimur medio conspicimurque foro.