si vetus Argolicos inlustrat gloria fratres,
qui sua materno colla dedere iugo: 40
cur non Amphinomo, cur non tibi, fortis Anapi,
aeternum Siculus templa dicavit honos?
plura licet summae dederit Trinacria laudi,
noverit hoc maius se genuisse nihil;
nec doleat damnis, quae devius intulit ardor, 45
nec gemat exustas igne furente domos.
non potuit pietas flamma cessante probari:
emptum est ingenti clade perenne decus.