hunc mihi praeponit vel senium vel honos.
carmen amor generi, soceri reverentia poscit
officio vatis, militis obsequio.
Forte Venus blando quaesitum frigore somnum
vitibus intexti gremio successerat antri
densaque sidereos per gramina fuderat artus
adclinis florum cumulo; crispatur opaca
pampinus et musto sudantem ventilat uvam. 5
ora decet neglecta sopor; fastidit amictum
aestus et exuto translucent pectore frondes.