emensus tenuit summae fastigia sedis

Eoum stabili moderatus iure senatum.

hic splendor iuveni. cunabula prima puellae

Danuvius veteresque Tomi. Mavortia matris 70

nobilitas spoliis armisque exultat avitis

inmensamque trahit Celerini robore lucem,

qui quondam Meroën iussus Nilumque tueri,

cum sibi post obitus et Parthica fulmina Cari[83]

sceptra daret miles rebusque imponere vellet, 75

despexit fremitus et praetulit otia regno;