sed precibus placanda tibi. concede marito
tu quoque neu Scythicas infensis unguibus iras 135
exercere velis: vinci patiare, rogamus.
sic uxor, sic mater eris. quid lumina tinguis,
virgo? crede mihi: quem nunc horrescis, amabis.”
Dixit et aligera geminos arcuque manuque
praestantes e plebe vocat. puer ilicet Aethon 140
et Pyrois rutilas respersi murice plumas
prosiliunt puroque imbutis melle sagittis
hic nuptam petit, ille virum. sonuere reducta